Fransalı məşqçi Zinəddin Zidan son şayiələrə baxmayaraq, “Real Madrid”ə qayıtmayacaq.
Publika.az xəbər verir ki, 53 yaşlı mütəxəssis diqqətini Fransa milli komandasında işləməyə yönəldib. Komandanın baş məşqçisi Didye Deşam 2026-cı il Dünya Kubokundan sonra istefa verəcək. Bu barədə jurnalist Fabritsio Romano sosial media platformasındakı səhifəsində məlumat verib.
Mənbənin məlumatına görə, Zidan hələlik Fransa Futbol Federasiyası (FFF) ilə müqavilə imzalamayıb, lakin bu cür əməkdaşlıq üçün aydın bir plan var.
