19 dekabr 1963-cü ildə Şərqi Afrikanın Hind okeanında yerləşən Zanzibar adaları Böyük Britaniyadan müstəqilliyini elan etdi. Uzun illər ərəb sultanlığının və sonradan Britaniya müstəmləkə idarəçiliyinin təsiri altında qalan bu ərazi qısa müddətli müstəqil dövlət mərhələsindən sonra Tanzaniyanın bir hissəsinə çevrildi.
AzPost bildirir ki, Zanzibar əsrlər boyu ticarət yollarının kəsişməsində yerləşib. Ərəb tacirləri, farslar və daha sonra avropalılar adanı ədviyyat, fil dişi və qul ticarətinin əsas mərkəzlərindən birinə çeviriblər.
Zənzibar adası 1873-cü ilə qədər Hind okeanında ən böyük qul bazarı sayılırdı. XIX əsrdə Oman sultanları burada hakimiyyət qurub, 1890-cı ildən etibarən isə Zanzibar Britaniyanın protektoratına çevrilib.
