Tayvanı silahlandırmağa yönəlmiş hər hansı bir hərəkət ciddi nəticələrə səbəb olacaq.
Herbiand.az bildirir ki, bu barədə Çinin Xarici İşlər Nazirliyinin sözçüsü Qo Tszyakun brifinqdə deyib.
XİN rəsmisi ABŞ-ın Tayvana rekord 11 milyard dollar dəyərində müasir silah satışına icazə verən qərarını şərh edib: “Çinin əsas maraqları toxunulmazdır, Tayvan məsələsi isə xarici müdaxiləyə məruz qalmır. Çinə qarşı qırmızı xətti keçmək olmaz. “Tayvanın müstəqilliyi” və Tayvan boğazında sülh bir-biri ilə uyğun gəlmir. Adanın silahlandırılması üçün hər hansı bir hərəkət ciddi nəticələrə səbəb olacaq”.
Qeyd edək ki, ABŞ Dövlət Departamenti Tayvana tarixin ən böyük sazişlərindən biri olaraq 11 milyard dollar dəyərində silah və hərbi texnika paketinin satışını təsdiqləyib.
Bəxtiyar CƏFƏRLİ
