ABŞ-nin xarici siyasətindəki köklü dəyişikliklər səbəbindən Aİ liderləri dərin böhran vəziyyətindədirlər və bu dəyişikliklər mövcud transatlantik təhlükəsizlik və ticarət sistemini təhdid edir.
"Unikal" xəbər verir ki, bu barədə "Politico" nəşri yazıb.
Məqalədə qeyd olunur ki, Vaşinqtonun yeni strategiyası Avropa mallarına kütləvi tariflər tətbiq etməyi və NATO qarşısındakı öhdəliklərini yenidən nəzərdən keçirməyi əhatə edir. Bu arada, ABŞ prezidenti Donald Tramp açıq şəkildə bildirib ki, indi Amerika maraqları birinci yerdədir. Müttəfiqlər ya müdafiə xərclərini kəskin şəkildə artırmalı, ya da özləri öhdəsindən gəlməli olacaqlar. Brüssel bu addımları regionun iqtisadiyyatı və sabitliyi üçün dağıdıcı adlandırır.
"Bu, dağıdıcıdır. Biz tanış dünya nizamının sonunu görürük. Bizim vahid B Planımız yoxdur və ən qorxulusu da budur", - deyə Aİ-nin yüksək vəzifəli diplomatı nəşrə bildirib.
Avropa bürokratları xüsusilə ABŞ ilə Kreml arasında Ukrayna ilə bağlı mümkün birbaşa razılaşmadan narahatdırlar. Onlar Vaşinqtonun Kiyevə maliyyə dəstəyini tamamilə dayandıracağından və yükü Aİ büdcələrinə ötürəcəyindən qorxurlar. Söhbət ildə 50 milyard avronu keçəcək ki, bu da Avropanın aparıcı iqtisadiyyatlarını qeyri-sabitləşdirə bilər.
Gülayə Mecid
