Dronlar Rusiyanın Krasnodar ərazisindəki Temryuk limanına hücum edərək iki neft anbarının yanmasına səbəb olub. Bu barədə Rusiya mediası məlumat yayıb.
Krasnodar ərazisinin təcili yardım qərargahının məlumatına görə, yanğının ümumi sahəsi təxminən 2000 kvadratmetrdir. Yanğını söndürmək üçün Rusiya Fövqəladə Hallar Nazirliyinin Krasnodar ərazisi üzrə Baş İdarəsinin əməkdaşları da daxil olmaqla yetmiş nəfər və 18 texnika cəlb edilib.
İlkin məlumata görə, itki yoxdur. Hadisə yerində xüsusi və təcili yardım xidmətləri işləyir.
"Şerbinovski rayonunun Nikolaevka kəndindəki zavodda bir neçə sənaye binası və kənd təsərrüfatı texnikası zədələnib. Baş verən yanğınlar tez bir zamanda söndürülüb", - deyə fövqəladə hallar qərargahı bildirib.
Qeyd etmək lazımdır ki, dronlar Rusiyanın Krasnodar diyarına müntəzəm olaraq hücum edir. Məsələn, bu yaxınlarda dronlarla bağlı hadisədən sonra Temryuk rayonundakı terminallardan birində boru kəmərinə ziyan dəyib.
Əziz Mustafa
