Muğlanın Bodrum rayonunda gecə saatlarında güclü yağış yağdı. Küçələr və yollar gölə çevrildi və nəqliyyat vasitələrinin hərəkətini çətinləşdirdi. Bir evin istinad divarı uçdu. Ətrafdakı dörd ev ehtiyat tədbiri olaraq təxliyə edildi.
QHT.az xəbər verir ki, gecə saatlarında Bodruma güclü yağış və dolu yağaraq gündəlik həyata mənfi təsir göstərib. Xüsusilə Gümbet və Konacık məhəllələrində bir çox ərazidə küçələr və yollar gölə çevrilib. Sürücülər və piyadalar hərəkət etməkdə çətinlik çəkiblər.
Güclü yağışdan sonra Turgutreis istiqamətindəki yol su yığılması səbəbindən hər iki istiqamətdə üç nöqtədə nəqliyyatın hərəkəti üçün bağlanıb və bəzi evlər və müəssisələr su altında qalıb. Bodrum Bələdiyyəsinin fəlakətlərin aradan qaldırılması qrupları və yerli sakinlər yollardakı suyu boşaltmaq üçün çalışıblar və nəqliyyat axını normallaşıb.
R.İmanov
