Milad bayramında dekabrın 25-də Yer kürəsində maqnit qasırğası gözlənilir.
7News.Az-ın UNIAN nəşrinə istinadən xəbərinə görə, bu barədə Britaniya Geoloji Xidmətindən məlumat verilib.
Maqnit qasırğasının zəif olacağı gözlənilir, amma yenə də bəzi insanlar onun təsirini hiss edəcəklər.
Alimlərin məlumatına görə, planetimiz böyük tac dəliyindən gələn yüksəksürətli günəş küləyi axını zonasında qalmağa davam edir. Geomaqnit sahəsi son 24 saat ərzində aktiv olub.
Ümumilikdə bu gün aktiv şəraitin olması ehtimalı var. Həmçinin qasırğanın G1 səviyyəsinə çatması ehtimalı da var.
Mütəxəssislərin proqnozlarına görə, günəş küləyinin sürəti artmağa davam edəcək.
