Bakı, 26 dekabr, AZƏRTAC
Bakı Şəhəri üzrə Təhsil İdarəsi tərəfindən 2025-ci təqvim ili üçün müəllimlərin işə qəbulu və yerdəyişməsi müsabiqəsinə 2 857 vakansiya təqdim olunub.
Təhsil İdarəsindən AZƏRTAC-a bildirilib ki, müsabiqələr nəticəsində il ərzində 2 338 nəfər işə qəbul edilib. Həmçinin il ərzində ümumi təhsil müəssisələrinə işə qəbul müsabiqəsi nəticəsində tutulmayan yerlər üzrə dərs saatlarının tədris edilməsi üçün digər məktəblərdən əvəzçilik qaydasında 350 nəfərə yaxın ixtisaslı kadr dəvət edilib.
