Azərbaycan mənşəli qeyri-neft məhsullarının ixrac göstəriciləri üzrə statistikaya əsasən, bu ilin yanvar-noyabr aylarında ölkədən dəyəri 43,57 milyon ABŞ dolları dəyərində 22,9 min tondan çox mis filizləri və konsentratları ixrac olunub.
Dövlət Gömrük Komitəsinin hesabatına əsasən, bu, 2024-cü ilin müvafiq dövrünün göstəricisi ilə müqayisədə dəyər ifadəsində 25,7 dəfə və ya 41,88 milyon dollar, həcm baxımından isə 27,9 dəfə və ya 22,1 min ton çoxdur.
Ümumilikdə cari ilin 11 ayında ölkədən dəyəri 2,969 milyard dollardan çox təşkil edən Azərbaycan mənşəli qeyri-neft məhsulları ixrac edilib ki, bu da 2024-cü ilin müvafiq göstəricisini 12,1 faiz üstələyir. Hesabat dövründə dəyər ifadəsində mis filizləri və konsentratları ixracının xüsusi çəkisi 1,47 faizə bərabər olub.
