“Yuventus” Kənan Yıldızla müqavilənin uzadılması üzrə danışıqlarda irəliləyiş əldə edib.
İdmanxeber.az xəbər verir ki, hazırda futbolçunun anası və vəkili ilə danışıqlar aparılır. Tərəflər əməkdaşlığın davamında maraqlıdır.
Turin klubu 20 yaşlı hücumçunu layihəsinin əsas fiqurlarından biri hesab edir və onu satmaq niyyətində deyil. Yıldızın özü də karyerasını “Yuventus”da davam etdirmək istəyir.
Qeyd edək ki, Kənan Yıldız bu mövsüm bütün turnirlərdə 22 oyunda 6 qol vurub, 7 məhsuldar ötürmə edib.
