“IMEC-in sehrli Yeni il konserti” adlı konsert təqdim olunub

“IMEC-in sehrli Yeni il konserti” adlı konsert təqdim olunub - FOTO

Beynəlxalq Muğam Mərkəzi və İMEC Beynalxalq Müsiqi və Tədris Mərkəzinin birgə təşkilatçılığı ilə "IMEC-in sehrli Yeni il konserti" adlı konsert təqdim olunub.

Yeni il ab-havasında təqdim olunan musiqi axşamında şagirdlərin ifasında canlı səhnələr, uşaqların möhtəşəm ifaları və müasir musiqiyə qatılan Azərbaycan musiqisinin sədaları gecəyə xüsusi rəng qatıb. İki hissədən ibarət tədbirdə əvvəlcə nağıl -tamaşa sonra isə muğam ifalarından ibarət konsert təqdim olunub.

"Magic Bridge" ("Sehirli körpü") musiqili tamaşasından seçilmiş səhnələrin canlı təqdimatı və uşaqların ifa etdiyi müasir musiqilər bu axşamın əsas xəttini təşkil edib. Musiqi axşamında müasir qərb səslərinə incə Azərbaycan alətlərinin qatdığı zərif və mistik rənglər xüsusi həmahənglik yaradıb. Qısa səhnəciklər və musiqi sintezi ilə zənginləşən bu proqram tamaşaçılara fərqli Yeni il ovqatı bəxş edib. Tamaşanın ssenarisi Nigar Hüseynli, musiqi və mahnı sözlərinin müəllifi isə Leyla Gərayzadədir.

Tədbirdə Uşaq Fondu və 11 nömrəli uşaq internat məktəbi, 3 saylı Uşaq evi sosial xidmət müəssisəsi, Bakıda Lindi Hopps rəqs icmasının üzvləri iştirak ediblər.

İnformasiya dəstəyi - Trend.Az, Day.Az, Milli.Az