Ajans.az xəbər verir ki, bunu Rusiya Prezidenti Vladimir Putin Birləşmiş Qüvvələr Qrupunun komandanlıq məntəqəsində keçirilən görüşdə bildirib. Görüşdə Putinə Dimitrov və Xulyaypol şəhərlərinin azad edilməsi ilə bağlı məlumat verilib. “Kiyev hakimiyyəti genişmiqyaslı hərbi əməliyyatlara başlamağı seçdi. Biz buna son qoymağa çalışırıq. Əvvəldən dedik ki, Kiyev rejiminin qoşunları bu ərazilərdən çıxarılmalıdır. Və heç bir hərbi əməliyyat olmayacaq. Əgər onlar o vaxt bizi dinləsəydilər, heç bir hərbi əməliyyat olmazdı”, - deyə Putin bildirib. Putin Ukraynadakı hakimiyyət çevrilişindən sonra hərbi əməliyyatların başladığını vurğulayıb. Rusiya lideri xatırladıb ki, 2014-cü ildə Kiyevdəki çevrilişdən sonra Moskva Ukraynanın cənub-şərqindəki sakinlərinə öz müqəddəratını təyin etmək hüququ verilməsini təklif etmişdi. "Kiyev rejimi münaqişəni həll etməyə tələsmir. Qərbdə Kiyevə münaqişəyə son qoymaq üçün əlverişli şərtləri qəbul etməyi tövsiyə edənlər ortaya çıxıb" - Putin bildirib.
