“Mançester Yunayted”in keçmiş yarımmüdafiəçisi Pol Skoulz klub tarixinin ən pis transferlərindən danışarkən qapıçı Mark Bosniçi xatırladıb.
Publika.az xəbər verir ki, Bosniç karyerasına 1989-cu ildə “Mançester Yunayted”də başlayıb, lakin gənclik illərində nadir hallarda klubda oynayıb. O, 1999-cu ildə “Aston Villa”dan transfer olaraq kluba qayıdıb. 1999/2000 mövsümündə “Yunayted”in əsas qapıçısı olub, lakin Fabien Bartezin transferindən sonra növbəti mövsümdə oynamayıb. 2001-ci ildə “Çelsi”yə pulsuz transfer edilib.
“Veron əla və istedadlı oyunçu idi. Niyə “Mançester Yunayted”də oynaya bilmədiyini bilmirəm, amma o, fantastik futbolçu idi.
Peter Şmeyxelin yerinə başqa oyunçu tapmaq məcburiyyətində qaldığımız və onu əvəz etmək asan olmadığı zaman qapıçıları xatırlayıram. Bir neçə qapıçımız var idi. Massimo Taibi və Mark Bosniçi xatırlayıram.
Markın “Aston Villa”da oynadığı vaxtlarda yaxşı qapıçı olduğunu düşünürdüm. Sonra da bizə gəldi. O qədər qeyri-peşəkar idi ki, hətta gülməli görünürdü.
