Volodimir Zelenski Donald Trampla bu il dördüncü dəfə görüşüb. Danışıqlar Florida ştatının Palm Biç şəhərində baş tutub və iki saat yarımdan çox davam edib ki, bu da onların üz-üzə söhbətləri üçün rekorddur. Tramp görüşü "gözəl" adlandırıb, Zelenski isə sülh planının 90% razılaşdırıldığını bildirib. İkitərəfli danışıqlardan sonra onlar Avropa liderləri ilə telefon danışıqları aparıblar. Görüşdən sonra keçirilən mətbuat konfransında Tramp və Zelenski danışıqlarda irəliləyişlər barədə oxşar bəyanatlar veriblər, bununla belə Donbassla bağlı məsələ həll olunmayıb.
Zelenski mətbuat konfransında deyib ki, növbəti həftələrdə danışıqlar qruplarının həll parametrlərini yekunlaşdırmaq üçün əlavə görüşləri planlaşdırılır.
O, sülh planının müəyyən müddəalarının referenduma təqdim edilməsi ehtimalını istisna etməyib.
Zelenskinin sözlərinə görə, ABŞ və Ukrayna arasında təhlükəsizlik zəmanətləri tam razılaşdırılıb və Avropa ilə üçtərəfli format təsdiqlənmənin son mərhələsindədir.
Tramp isə Zelenski ilə danışıqlardan sonra deyib ki, Ukraynanın təhlükəsizliyinin təmin edilməsinin əsas yükü ABŞ-ın dəstəyi ilə Avropanın üzərinə düşəcək.
Mətbuat konfransında Tramp bildirib ki, təmas xəttində hələlik razılaşma yoxdur, lakin tərəflər razılığa yaxınlaşırlar: ""Razılaşdırılmış" sözü çox güclüdür. Razılaşdırıldığını deməzdim, amma biz bu məsələdə razılığa yaxınlaşırıq. Və bu, böyük bir məsələdir. Bu, şübhəsiz ki, əsas məsələdir və düşünürəm ki, indi əvvəlkindən daha yaxınıq."
Trampın sözlərinə görə:
Ukraynadakı münaqişənin həllində böyük irəliləyiş əldə edilib.
Tərəflər razılaşmaya yaxındırlar.
Rusiya, ABŞ və Ukrayna indi əvvəlkindən daha çox razılaşmaya "daha yaxındırlar".
Ukrayna ilə bağlı razılaşma bir neçə həftə ərzində əldə edilə bilər.
Razılaşma üçün işçi qruplarının tərkibi açıqlanıb.
Danışıqlarda çətin məsələlər qalır.
Ərazi məsələsi həll olunmamış məsələlərdən biridir.
Ukrayna daha çox şey itirməmək üçün indi razılığa gəlməlidir.
Putin Rusiyanın Ukraynanın yenidən qurulmasına kömək etməyə hazır olduğunu açıqladı.
Putinlə yeni görüşün mümkün vaxtı və yeri müzakirə edildi.
Zelenski ilə görüş və Putinlə söhbət əla keçdi.
Rusiya ilə ABŞ arasında ticarətin inkişafı çox faydalı olardı.
Putinin müvəqqəti atəşkəsin faydasızlığı ilə bağlı mövqeyi aydındır.
Növbəti həftələrdə Zelenski ilə bir çox təmas gözlənilir.
Ukrayna üçün təhlükəsizlik zəmanətləri əsasən Avropadan gəlməlidir.
Ukraynalıların əksəriyyəti hərbi əməliyyatlara son qoyulmasını istəyir. Donbas üzərində suverenlik məsələsi hələ də həll olunmayıb.
Rusiya Zaporojye Atom Elektrik Stansiyasını atəşə tutmayıb.
Ukraynaya səfərə təcili ehtiyac yoxdur.
Putin və Zelenski arasında görüş "uyğun vaxtda" mümkündür.
Beləliklə tərəflər arasında keçirilən görüşdə cüzi irəliləyiş əldə edilib, lakin bu, münqaişənin həlli üçün kifayət deyil və müharibənin davam etdiriləcəyi şübhə doğurmur.
Əziz MUSTAFA
