ain.az, Bizimyol portalından verilən məlumatlara əsaslanaraq xəbər verir.
Əsrlər boyu aparılan axtarışlara baxmayaraq, antik dövrün ən məşhur iki hökmdarının — Misir kraliçası VII Kleopatranın və Makedoniyalı İskəndərin — dəqiq dəfn yerləri bu günədək məlum deyil.
Bizimyol.info xəbər verir ki, qədim mənbələrdə bildirilir ki, Kleopatra Mark Antoni ilə birlikdə İsgəndəriyyə yaxınlığında yerləşən kral məqbərəsində dəfn edilib. Lakin zəlzələlər, torpaq qatının çökməsi və Aralıq dənizinin səviyyəsinin yüksəlməsi qədim şəhərin simasını köklü şəkildə dəyişdirmiş, bu da məqbərənin tapılmasını xeyli çətinləşdirilib.
E.ə. 323-cü ildə vəfat edən Makedoniyalı İskəndərin cəsədinin Misirə aparılaraq İsgəndəriyyədə dəfn edildiyi ehtimal olunur. Müasirlərinin şahidliyinə görə, onun məzarını Roma imperatorları ziyarət etmişdilər. Ancaq gec antik dövrün sonlarına doğru bu məzarla bağlı bütün qeydlər tamamilə yoxa çıxmışdır.
İsgəndəriyyə ərazisində və Tapoziris Maqna kimi yaxın bölgələrdə aparılan arxeoloji qazıntılar ümidverici tapıntılar versə də, hələlik dəfn yerlərinin dəqiq mövqeyini müəyyənləşdirməyə imkan vermir. Şəhərsalma işləri, talanlar və ətraf mühitdə baş verən dəyişikliklər ehtimal ki, bu məqbərələri ya tamamilə məhv etmiş, ya da onları o qədər dərinə gizlətmişdir ki, bu gün onların yerini bərpa etmək olduqca çətindir.
Tarixçilər hələ də bu məzarların qorunub saxlanılıb-saxlanılmadığı, yoxsa birdəfəlik itirildiyi barədə mübahisə edirlər. Kleopatra və Makedoniyalı İskəndərin dəfn sirri isə qədim dünyanın ən maraqlı və müəmmalı tapmacalarından biri olaraq qalmaqdadır.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
