Sabirabad rayonunda ölümlə nəticələnən yol-nəqliyyat hadisəsi baş verib. Qəza Qaragüney kəndi ərazisində qeydə alınıb.
Belə ki, BMW markalı avtomobil idarəetmədən çıxaraq əvvəlcə yol kənarındakı hasara, daha sonra isə “VAZ” markalı avtomobilə çırpılıb. Toqquşma nəticəsində BMW-nin sürücüsü aldığı ağır xəsarətlərdən hadisə yerində ölüb.
Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma aparılır.
