Britaniyalı boksçu və ağır çəkili keçmiş dünya çempionu Entoni Coşua Nigeriyada iki nəfərin ölümünə səbəb olan avtomobil qəzasında xəsarət alıb.
Qaziler.az bildirir ki, bu barədə "Daily Mail" qəzeti dekabrın 29-da məlumat yayıb.
Qəzetin məlumatına görə, 36 yaşlı Coşua "Lexus Jeep" markalı avtomobillə yük maşınına çırpılıb. Video görüntülərdə ağır çəkili çempionun qəzaya uğramış avtomobildə köynəksiz oturduğu görünür.
Coşua daha sonra təcili yardım maşınının ön oturacağında oturduğu görülüb. Boksçu yüngül xəsarətlər alıb və xəstəxanaya aparılıb. Keçmiş çempionla birlikdə gedən daha iki nəfər - sürücü və sərnişin hadisə yerində ölüb.
QAZİLER.AZ
