“Qarabağ”ın legioneri Marko Yankoviç ölkəsi Monteneqroda UEFA A lisenziyasını almaq üçün təlimlərə qatılıb.
Sportinfo.az xəbər verir ki, o, çempionatda yaranan fasilədən istifadə edərək kurslarda iştirak edib.
Yarımmüdafiəçi imtahanları uğurla başa vurduqdan sonra A lisenziyası ala biləcək.
Marko Yankoviçlə yanaşı onunla birlikdə “Qarabağ”da oynamış Marko Veşoviç də kurslara qoşulub.
2022-ci ildən “Qarabağ”da çıxış edən Yankoviçin Azərbaycan çempionundan ayrılacağı gözlənilir. Yarımmüdafiəçi müxtəlif klublardan təkliflər alıb.
