İsveçrədə xizək kurortunda partlayış I 40 nəfər ölüb - Yenilənib

AzVision.az xəbər verir ki, bu barədə "Le Nouvelliste" qəzeti məlumat yayıb. Qeyd olunub ki, hadisə nəticəsində azı 100 nəfər yaralanıb.

***

İsveçrənin Vale kantonundakı Krans-Montana xizək kurortunda baş verən partlayış nəticəsində bir neçə nəfər həlak olub.

AzVision.az xəbər verir ki, bu barədə Agence France-Presse (AFP) yerli polisə istinadən məlumat yayıb. Kanton polisinin sözçüsü agentliyə bildirib ki, səbəbi bəlli olmayan partlayış nəticəsində bir neçə nəfər yaralanıb və ölüb.

Hakimiyyət orqanlarının məlumatına görə, yanğın bir və ya bir neçə partlayışdan sonra gecə saatlarında Le Constellation barında baş verib. Hadisə yerinə yanğınsöndürənlər və xilasetmə xidmətləri, Air-Glaciers helikopterləri və çoxsaylı təcili yardım maşınları gəlib.

“RTS” nəşrinin məlumatına görə, saat 1:30 radələrində müəssisənin zirzəmisində baş verən partlayış yanğına çevrilib. Adətən saat gecə saat 2:00-a qədər açıq olan bar 400 nəfərə qədər müştəri qəbul edə bilir.

“Sky News” telekanalı polisə istinadən məlumat yayıb ki, partlayış nəticəsində azı 10 nəfər ölüb. İsveçrə polisi hadisəni terror aktı hesab etmir.


AzVision.az