ABŞ və Rusiya arasında iqtisadi yaxınlaşma Şimali Atlantika Müqaviləsi Təşkilatına (NATO) və Avropa İttifaqına (Aİ) daha da zərər verə bilər.
Publika.az xəbər verir ki, bu barədə "American Thinker" jurnalı yazır.
Məqalədə deyilir ki, Tramp və Putin arasındakı iqtisadi yaxınlaşma onsuz da sarsılmış Aİ və NATO-nun birliyinə daha da zərər verə bilər.
Qeyd edilib ki, Avropa Donald Tramp administrasiyasından uzaqlaşdıqca, ABŞ Prezidenti ayrı-ayrı Avropa ölkələrinə yönəlmiş siyasət yürütməyi düşünə bilər. Məqalə müəllifləri təklif edirlər ki, məsələn, o, Aİ mallarına 50 və ya 100 faiz tarif tətbiq edə bilər.
