Baş Kəşfiyyat İdarəsinin rəisi Kirill Budanov Ukrayna Prezident Aparatının yeni rəhbəri oldu.
Bu barədə Ukrayna prezidenti Volodimir Zelenski özünün Facebook səhifəsində məlumat verib: "Mən Kirill Budanovla görüşdüm və ona Ukrayna Prezidentinin Aparatının rəhbəri vəzifəsini təklif etdim. Hazırda Ukraynanın təhlükəsizlik məsələlərinə, Ukrayna Müdafiə və Təhlükəsizlik Qüvvələrinin inkişafına, eləcə də diplomatik danışıqlar yoluna daha çox diqqət yetirməsinə ehtiyac var və Prezident Aparatı ilk növbədə dövlətimizin bu vəzifələrinin yerinə yetirilməsinə xidmət edəcək. Kirill bu sahələrdə ixtisaslaşmış təcrübəyə və nəticə əldə etmək üçün kifayət qədər gücə malikdir. Həmçinin, Prezident Aparatının yeni rəhbərinə Ukrayna Milli Təhlükəsizlik və Müdafiə Şurasının katibi və digər müvafiq rəhbərlər və qurumlarla əməkdaşlıq edərək dövlətimizin müdafiə və inkişafının strateji əsaslarını, eləcə də sonrakı addımları yeniləməyi və təsdiq üçün təqdim etməyi tapşırdım".
XQ
