“Barselona” ilə bu gün keçiriləcək oyun ərəfəsində “Espanyol”un ultras azarkeşləri etiraz aksiyası planlaşdırır.
Apasport.az xəbər verir ki, azarkeşlər sabiq qapıçı Joan Qarsiyanın prinsipial rəqib “Barselona”ya keçidinə etiraz əlaməti olaraq meydana siçan kuklaları atmaq niyyətindədirlər.
Bu aksiya fanatlar tərəfindən xəyanətkar hesab edilən Qarsiyaya qarşı etirazın simvolu olacaq.
Bildirilir ki, ultras qruplaşmaları artıq təxminən bir aydır bu təxribat üçün siçan maketlərini (kuklalarını) haradan əldə edə biləcəklərini axtarırlar. Stadion administrasiyası və təhlükəsizlik xidmətləri oyun zamanı mümkün insidentlərin qarşısını almaq üçün gücləndirilmiş rejimdə işləməyə hazırlaşır.
“Espanyol” azarkeşləri sabiq qapıçılarının “Barselona” forması ilə meydana çıxması ilə barışa bilmirlər.
Qeyd edək ki, Joan Qarsiya 2025-ci ilin iyun ayında “Espanyol”dan “Barselona”ya transfer olunub.
Rodriqo qışda komandadan gedə bilər – İngiltərə klubları yarışda
37 yaşlı qolkiper Premyer Liqa klubunda
“Qarabağ”ın rəqibi III Liqa klubunun hücumçusunu transfer edib
Super Liqa klubunda yeni təyinat
“Vest Hem” braziliyalı hücumçunu heyətinə qatıb
