Astroloji on ikiliyin müxtəlif nümayəndələrinin xarakter xüsusiyyətləri çox vaxt onların xəstəliklərinin səbəbinə çevrilir.
Bürclər insana müəyyən keyfiyyətlər və xarakter cizgiləri bəxş edir. Lakin astroloqların fikrincə, davranış tərzindən əlavə, bürclərin hər birinin müəyyən xəstəliklərə xüsusi meyli var.
Bürclərin meyilli olduğu xəstəlikləri təqdim edirik:
Qoç
Astroloqların fikrincə, bu bürcün nümayəndələri sağlamlıqlarına xüsusi diqqət yetirməli və hətta xırda simptomları belə gözardı etməməlidirlər. Qoçlarda ən çox baş nahiyəsi zəif olur və xəstəliklər də məhz bu sahə ilə bağlıdır. Buna görə astroloqlar başı zədələrdən qorumağı tövsiyə edirlər, əks halda ciddi fəsadlar yarana bilər.
Meyilli olduqları xəstəliklər: başgicəllənməsi, baş ağrıları, miqren, hipertoniyа, yuxusuzluq və piylənmə.
Buğa
Sakit və təmkinli Buğalar hərəkətsiz həyat tərzinə görə piylənməyə daha çox meyllidirlər. Onlar həm də işgüzar və zəhmətkeş olduqları üçün həddindən artıq işləməyə və emosional tükənməyə meyilli olurlar. Enerji və psixoloji resurslarını düşünmədən sərf etmələri tez-tez depressiyaya gətirib çıxarır. Qidada, alkoqolda və siqaretdə ifratdan qaçmaq məsləhətdir.
Meyilli olduqları xəstəliklər: diabet, bronxit, angina, laringit, osteoxondroz, varikoz.
Əkizlər
Bu bürcün ikili xarakteri, eyni anda bir neçə rol arasında tez keçid etməsi psixoz və həddindən artıq yorğunluğa səbəb ola bilər. Daim əyləncə və təəssürat dalınca qaçmaq sonda darıxmaq və tənha qalmaq hissinə gətirir ki, bu da sinir pozuntularını gücləndirir.
Meyilli olduqları xəstəliklər: allergiya, dəri xəstəlikləri, soyuqdəymə, kolit, revmatizm.
Xərçəng
Bu bürcün həssaslığı onları apatiya və depressiyaya qarşı daha zəif edir. Özlərinə həddindən artıq acıma hissi kədərli və ağır psixoloji vəziyyət yaradır. Ruh düşkünlüyündən uzaq olmaq üçün dünyaya daha pozitiv baxmaq tövsiyə olunur.
Meyilli olduqları xəstəliklər: qastrit, kolit, qəbizlik, bronxit, astma, sistit.
Şir
Emosional və ekspressiv Şirlər qəzəbə qapıldıqda uzunmüddətli sinir sarsıntıları yaşaya bilərlər. Onlar alkoqol, siqaret və ya həddindən artıq riskli idman növləri kimi zərərli vərdişlərə qarşı dura bilmədikləri üçün xəstələnirlər.
Meyilli olduqları xəstəliklər: bədən travmaları, anemiya, ürəyin işemik xəstəliyi, miokard infarktı, flebit, spazmlar, qıcolmalar.
Qız
Qızlar çox diqqətcil və xırdalığa meyillidirlər. Hər şeyin mahiyyətinə varmaq istəkləri sağlamlıq mövzusunda həddindən artıq şübhəçiliyə səbəb ola bilər. Nəticədə hipoxondriya və ya mikrob qorxusu yarana bilər.
Meyilli olduqları xəstəliklər: qəbizlik, bağırsaq iltihabı, sistit, prostatit.
Tərəzi
Qərarsız və daim şübhə edən Tərəzilər özlərini tez-tez sinir gərginliyinə salırlar. Bu isə müxtəlif psixi pozuntular üçün zəmin yaradır. Digər bürclərlə müqayisədə manik-depressiv psixoza daha çox meyillidirlər. Xəstəliklər əsasən soyuq, rütubət və zəif enerji müqaviməti fonunda üzə çıxır.
Meyilli olduqları xəstəliklər: soyuqdəymə, radikulit, revmatizm, hipotoniyalı və aritmiyalı vegetativ-damar distoniyası.
Əqrəb
Emosional, ehtiraslı və enerjili Əqrəblərdə daxili özünütəhlil və həddindən artıq düşünmək yuxusuzluğa səbəb olur. Hisslərinə həddən artıq fokuslanmaq bəzən reallığı yanlış qavramağa gətirir.
Meyilli olduqları xəstəliklər: angina, aritmiya, cinsi sahə xəstəlikləri, qanaxmalar.
Oxatan
Məqsədyönlü, cəsarətli və yerində dura bilməyən Oxatanlar emosional qeyri-sabitlik səbəbindən tez-tez impulsiv qərarlar verirlər. Qidada və alkoqolda ifrat, eləcə də daimi gərginlik sağlamlıqlarına ciddi zərər vurur. Uzun ömür üçün təmkin və ağıllı davranış vacibdir.
Meyilli olduqları xəstəliklər: artrit, artroz, osteoxondroz, pnevmoniya, mədə yarası.
Oğlaq
İnadkar, zəhmətkeş və ciddi Oğlaqlar yüksək dözümlülüyə malikdirlər. Onlara soyuqda, rütubətdə çox qalmaq məsləhət görülmür. Duruş və bədən qulluğuna diqqət yetirmək bir çox problemlərin qarşısını ala bilər.
Meyilli olduqları xəstəliklər: diş daşı, skolioz, ekzema, böyrək daşı xəstəliyi, zəif həzm.
Dolça
Yenilikləri sevən Dolçalar eyni anda çox işlə məşğul olurlar. Macəra və səyahət həvəsi onları öz sağlamlıqlarını unutmağa vadar edir. Aktiv rejimdən birdən-birə yataq rejiminə keçmək onların vəziyyətinə mənfi təsir göstərir, buna görə istirahətə tədricən alışmaq lazımdır.
Meyilli olduqları xəstəliklər: baldır əzələlərinin zədələri, infeksiyalar, başgicəllənməsi, skleroz.
Balıqlar
Xəyalpərəst və həssas Balıqlar reallıqdan tez yorulub kədər və ümidsizliyə qapıla bilərlər. Azhərəkətli həyat tərzi bədənlərinə mənfi təsir göstərir. Bundan əlavə, özlərinə xəstəlik təlqin edib həqiqətən xəstələnə bilərlər.
Meyilli olduqları xəstəliklər: ödəmlər, hipertoniyа, revmatizm, piylənmə./News24.az
