Portuqaliyanın “Akademiko” klubu “Qarabağ”ın transfer hədəflərindən olan futbolçusu Andre Klovisin qiymətini müəyyənləşdirib.
Teleqraf məşhur insayder Felipe Silvaya istinadən xəbər verir ki, Vizeu təmsilçisi braziliyalı hücumçu üçün 3 milyon avro tələb edir.
28 yaşlı forvardla “Qarabağ”la yanaşı, Çinin “Uhan Fri Tauns” klubu da maraqlanır.
Qeyd edək ki, Andre Klovis 2025-ci ilin yayından “Qarabağ”ın transfer siyahısında yer alır. O, cari mövsümdə meydana çıxdığı 20 oyunda 15 qol və 2 məhsuldar ötürmə ilə yadda qalıb.
