BAKI, 14 yanvar. TELEQRAF
ABŞ Prezidenti Donald Tramp Amerika Silahlı Qüvvələrinin İranda istifadə edilib-edilməyəcəyi ilə bağlı suala cavab verməkdən imtina edib.
Teleqraf xəbər verir ki, Tram jurnalistlərlə hərbi strategiyanı müzakirə etmədiyini deyib.
Qeyd edək ki, Tramp daha əvvəl "CBS News" telekanalına müsahibəsində ABŞ-ın İrandakı son məqsədinin qalib gəlmək olduğunu bildirmişdi.
Bununla yanaşı, "The Wall Street Journal" ərəb ölkələrinin Fars körfəzi regionundakı rəsmi şəxslərinə istinadən yazıb ki, ABŞ administrasiyası İrana qarşı hərbi əməliyyatı mümkün variant kimi nəzərdən keçirir.
