BAKI, 14 yanvar. TELEQRAF
İran BMT Təhlükəsizlik Şurasına müraciət edərək ABŞ-nin zorakılığa təhrik edən bəyanatlarını və güc tətbiqi təhdidlərini pisləməyə çağırıb.
Teleqraf xəbər verir ki, bu barədə iranlı diplomat Əmir Səid İrəvani TASS-a açıqlamasında bildirib.
Onun sözlərinə görə, Tehran BMT Təhlükəsizlik Şurasını ABŞ-ni respublikaya qarşı hərbi təcavüz aktlarına gətirib çıxara biləcək istənilən yanlış hesablamalardan çəkindirməyə səsləyir.
Bundan əlavə, İran Təhlükəsizlik Şurasını ABŞ və İsraildən respublikaya qarşı destabilizasiyaedici siyasəti dayandırmağı tələb etməyə çağırıb.
Bəyanatda vurğulanır ki, zorakılığa çağırışlar və güc tətbiqi hədələri beynəlxalq hüququn kobud şəkildə pozulmasıdır.
