ABŞ Vətəndaşlıq və İmmiqrasiya Xidmətlərinin X-dəki məlumatına görə, ABŞ Daxili Təhlükəsizlik Departamenti, Prezident Donald Trampın əmrindən sonra Somali vətəndaşları üçün Müvəqqəti Qorunan Statusun (TPS) ləğv edildiyini elan edib.
ABC News-a görə, qərar 2400-dən çox insana təsir edəcək və təxminən 1400 müraciət gözlənilir.
Müvəqqəti Qorunan Status sahibləri, məhkəmə qərarı ləğv etmədiyi təqdirdə, 17 mart 2026-cı ilə qədər ABŞ-ı tərk etməlidirlər: “Somalidəki vəziyyət o qədər pisləşib ki, ölkə artıq Müvəqqəti Qorunan Status üçün qanuni tələblərə cavab vermir. Bundan əlavə, Somali vətəndaşlarının ABŞ-da müvəqqəti qalmasına icazə vermək milli maraqlarımıza ziddir”, – deyə Daxili Təhlükəsizlik Katibi Kristi Noem ABC News-a bildirib.
Qeyd edək ki, 2025-ci ilin dekabr ayında cənab Tramp Minnesota ştatının ən böyük Somali icmasını sərt şəkildə tənqid edərək, üzvlərini “zibil” adlandırıb. 2024-cü il siyahıyaalmasına görə, ABŞ-da təxminən 260.000 Somali-Amerikalı yaşayırdı. Onlardan 115 mindən çoxu xaricdə anadan olub və 93 mindən çoxu ABŞ vətəndaşlığı alıb.
//Samir Qurbanov, Editor.az
