ain.az, Ayna saytından verilən məlumata əsaslanaraq xəbər yayır.
Rayon ziyalılarının və vətəndaşların çoxsaylı müraciətləri nəzərə alınıb
Azərbaycan ədəbiyyatının görkəmli nümayəndəsi Cəfər Cabbarlının Siyəzən şəhərindəki heykəlinin yeri dəyişdirilir.
AYNA.AZ Azərtac-a istinadən xəbər verir ki, rayon ziyalılarının və vətəndaşların çoxsaylı müraciətləri nəzərə alınaraq, müvafiq dövlət qurumlarının razılıqları əsasında böyük şair, yazıçı və dramaturq Cəfər Cabbarlının 1 saylı tam orta məktəbin həyətində qoyulmuş heykəli şəhərin mərkəzi hissəsinə köçürülür.
Bundan sonra C.Cabbarlının heykəli Heydər Əliyev Seyrəngahında, Mərkəzi Kitabxananın qarşısında ucaldılacaq.
Siyəzən Rayon İcra Hakimiyyətindən bildirib ki, bu addım Cəfər Cabbarlı irsinin daha geniş ictimaiyyətə təqdim olunmasına və şəhər mühitinin estetik baxımdan zənginləşdirilməsinə xidmət edir.
Hazırda heykəlin köçürülməsi ilə bağlı quraşdırma və abadlaşdırma işləri aparılır.
Hadisənin gedişatını izləmək üçün ain.az saytında ən son yeniliklərə baxın.
