Vaşinqton Qrenlandiyanı ələ keçirərsə, Avropa İttifaqı ABŞ bazalarını ləğv edəcək? - FOTO

Avropa İttifaqı Qrenlandiyanın ələ keçirilməsi cəhdi halında ABŞ-a təzyiq rıçağı kimi Avropadakı Amerika hərbi bazalarının ləğvi təhlükəsini nəzərdən keçirir.

Paralel.az xəbər verir ki, bu barədə The Economist yazır.

Nəşrin qeyd etdiyinə görə, Almaniyadakı Ramştayn bazası kimi obyektlərin çıxarılması ABŞ-ın Yaxın Şərq və Afrikada güc proyeksiyasını ciddi şəkildə çətinləşdirə bilər.

Avropanın NATO-nun mövcudluğunda maraqlı olmasına baxmayaraq, bu addım çəkindirmə aləti kimi istifadə oluna bilər.

Bundan əlavə, ABŞ texnologiya şirkətlərinə qarşı sərt iqtisadi tədbirlərin görülməsi də istisna edilmir.