Müəllif: Tamara Mustafayeva, Banco.az
Bitkoin 92 min dollardan ucuzlaşıb.
Banco.azxəbər verir ki,bitkoin səhər saatlarında təxminən 3,6 faiz ucuzlaşaraq 92 min ABŞ dollarından aşağı səviyyəni test edərkən, digər tokenlərdə də ciddi itkilər müşahidə olunub. Ether 4,9 faiz, Solana isə 8,6 faiz dəyər itirib. 92 min dollar səviyyəsindən aşağı enən bitkoin daha sonra bu həddən bir qədər yuxarıda ticarət olunmağa başlayıb. “CoinGecko”nun məlumatlarına görə, bu satışlar kriptovalyuta bazarının ümumi dəyərini təxminən 100 milyard ABŞ dolları azaldıb.
Tramp həftəsonu verdiyi açıqlamada səkkiz Avropa ölkəsi üçün 1 fevral 2026-cı ildən etibarən 10 faiz gömrük rüsumu tətbiq olunacağını, 1 iyun 2026-cı ildən sonra isə bu dərəcənin 25 faizə qaldırılacağını bildirib. O, Qrenlandiyanın tam və qeyd-şərtsiz satın alınmasına dair razılaşma əldə olunana qədər vergi dərəcəsinin bu səviyyədə qalacağını da qeyd edib. Bu təhdiddən sonra həftənin ilk ticarət günündə səhm bazarlarında eniş qeydə alınarkən, təhlükəsiz liman aktivləri olan qızıl və gümüşdə rekord artımlar müşahidə olunub.
Trampın bu açıqlamasından sonra Avropa liderləri ötən il üzərində razılıq əldə edilmiş ABŞ ilə ticarət sazişinin təsdiqinin dayandırılmasına çağırış ediblər.
Bizi sosial şəbəkələrdən izləyin!!
