Belarus Prezidenti Aleksandr Lukaşenko ABŞ Prezidenti Donald Trampın təklif etdiyi Sülh Şurasına qoşulmaq üçün 1 milyard dollarlıq ianənin olduğu fikrini rədd edib.
"Unikal" xəbər verir ki, bu barədə o, Minskdə jurnalistlərə bildirib.
Sülh Şurasına qoşulmaq üçün faktiki şərtlər və 1 milyard dollar tələb olunacağı barədə şayiələr barədə suala cavab olaraq Belarus prezidenti deyib: "Bu xəstə insanlar (bu barədə danışıb yazanlar - red.) bir daha özlərini axmaqcasına apardılar. Sadəcə sənədi oxumaq lazımdır. Pula ehtiyac yoxdur".
Xatırladaq ki, daha əvvəl "Bloomberg" gələcək təşkilatın nizamnamə layihəsinə istinadən ABŞ prezidenti Donald Trampın administrasiyasının onun yeni Sülh Şurasında daimi üzvlük axtaran ölkələrdən ən azı 1 milyard dollar ianə etmələrini istədiyini bildirmişdi.
Ağarza Elçinoğlu
