“Kayrat” UEFA Çempionlar Liqasının 2025/2026 mövsümünün VII turunda “Brügge”yə 1:4 hesabı ilə məğlub olaraq top-24-ə daxil olmaq şansını itirib.
90deqiqe.Az xəbər verir ki, Almatı klubu yeddi matçdan sonra cəmi 1 xal toplayaraq 36-cı, sonuncu pillədədir. Bu isə “Kayrat”ın pley-off mərhələsinə yüksəlməsini qeyri-mümkün edib. Klub turnirdə əsas mərhələyə ilk dəfə qatılıb.
Sonuncu, 8-ci turda “Kayrat” London “Arsenal”ı ilə qarşılaşacaq. Oyun 28 yanvar, çərşənbə günü “Emirates” stadionunda baş tutacaq.
