Gununsesi saytına istinadən ain.az xəbər verir.
Moldova Müstəqil Dövlətlər Birliyi (MDB) ilə əsas sazişlərin denonsasiyası (ləğv edilməsi) proseduruna başlayıb.
Gununsesi.info xəbər verir ki, bu addım ölkənin təşkilatın tərkibindən çıxmasına imkan verəcək.
Bu barədə xarici işlər naziri Mixay Popşoy yanvarın 19-da açıqlama verib.
Nazir “Radio Moldova” efirində bildirib ki, Moldova MDB-nin Nizamnaməsinin, MDB-nin yaradılması haqqında Sazişin və 1991–1993-cü illərdə qəbul olunmuş müvafiq əlavənin denonsasiyası prosesinə start verib.
“NewsMaker”in yazdığına görə, Popşoy hökumətin proseduru fevralın ortalarınadək tamamlayacağını gözləyir. Bundan sonra məsələ parlamentin müzakirəsinə çıxarılacaq.
Moldova hakimiyyəti MDB-dən çıxmaq niyyətini ilk dəfə iki ildən çox əvvəl – 2023-cü ilin dekabrında bəyan etmişdi. Həmin vaxt Rusiya prezidenti Vladimir Putin Moldovanın MDB-də iştirakının “böyük dəyəri olmadığını” deyərək, “necə istəyirlər, elə də etsinlər” ifadəsini işlətmişdi.
Bundan əvvəl Gürcüstan 2008-ci ildə, Ukrayna isə 2018-ci ildə MDB-dən çıxıb.
Gununsesi.info
Daha ətraflı məlumat və yeniliklər üçün ain.az saytını izləyin.
