Yaponiyanın keçmiş baş naziri Sindzo Abeni 2022-ci ildə Nara şəhərində seçki mitinqi zamanı qətlə yetirən Tetsuya Yamaqami ömürlük həbs cəzasına məhkum edilib.
“Yeni Sabah” BBC-yə istinadla xəbər verir ki, məhkəmədə təqsirini etiraf edən Yamaqaminin cəzası Yaponiyada ictimai rəyi iki yerə bölüb.
Bir qisim 45 yaşlı Yamaqamini soyuqqanlı qatil hesab etsə də, digərləri onun çətin uşaqlıq dövrünü və həyat şəraitini əsas gətirərək ona simpatiya göstərir.
Prokurorluq cinayəti “ağır və sarsıdıcı” adlandıraraq ən sərt cəzanın verilməsini tələb edib. Müdafiə tərəfi isə Yamaqaminin dini təzyiqlər və ailə problemləri ucbatından psixoloji travmalar yaşadığını bildirərək cəzanın yüngülləşdirilməsini istəyib.
Telegram kanalımız
