BAKI, 21 yanvar. TELEQRAF
Azərbaycan da sistemli dezinformasiya təhdidlərinin hədəfindədir.
Teleqraf xəbər verir ki, bunu Azərbaycan Mətbuat Şurasının sədri Rəşad Məcid “Dezinformasiya: qlobal miqyasda və Azərbaycan reallığında ən ciddi təhlükə kimi” mövzusunda ictimai müzakirə deyib.
O bildirib ki, hazırda dezinformasiya olduqca aktuallıq kəsb edir, bunun da səbəbləri var.
"Dezinformasiyanın yayılmasının çox sayda üsul və vasitələri mövcuddur. İctimai fikri narahat edən digər bir aspekt dezinformasiya üçün münbit şərait yaradan əsas amil mediaya inamın azalmasıdır", - o əlavə edib.
