Financial Times: “DİF başqa şəhərlərə “köçə” bilər”

AzVision.az xəbər verir ki, mənbələrə istinad edən “Financial Times” nəşri belə məlumat yayıb.

“Tədbirin Davosdakı ənənəvi Alp məkanının sərhədlərini aşması reallığı fonunda təşkilatçılar əsas illik toplantının yerini dəyişmək zərurətini hərtərəfli nəzərdən keçirmək qərarına gəliblər”,- qəzet yazır.

Politico:“Trampın Zelenski üçün vaxtı yoxdur”

Qəzetin iddiasına görə, forumun müvəqqəti həmsədri, Amerikanın “BlackRock” investisiya şirkətinin baş direktoru Larri Fink “zirvə toplantısının Davosdan köçürülməsi və ya platformaların növbəli qaydada dəyişməsi varinatı da daxil olmaqla, bir sıra məqamları özəl şəkildə müzakirə edib”.

- Müvəqqəti həmsədrin fikrincə, DİF yeni bir iş görməyə başlamalıdır: əslində müasir dünyanın əslində qurulduğu yerlərdə keçirilməlidir. Davosda, bəli. Amma həm də Detroit və Dublin, eləcə də Cakarta və Buenos-Ayres kimi şəhərlərdə”,- nəşr Larri Finkdən sitat gətirir.

Mənbələrin dediyinə görə, Fink “həddindən artıq elitar və reallıqdan uzaq olduğu üçün geniş şəkildə tənqid edilən forumda islahatlar aparmağı” hədəfləyir. Amerikalı sahibkar bunun sadəcə tədbirdə iştirak edən siyasi və biznes liderləri ilə məhdudlaşmamalı olduğunu bildirir.

Sahil İsgəndərov
AzVision.az