Qida Təhlükəsizliyi Agentliyinin əməkdaşları Bakı şəhəri, Suraxanı rayonu, Əmircan qəsəbəsi, Q. Quliyev küçəsində fəaliyyət göstərən, fiziki şəxs Quliyev Cavanşir Tair oğluna məxsus unlu qənnadı məmulatlarının emalı və satışı obyektində yoxlama keçiriblər. Qida Təhlükəsizliyi Agentliyindən ulusum az-a verilən məlumata görə, baxış zamanı obyektin qida təhlükəsizliyi qeydiyyatından keçmədən qanunsuz fəaliyyət göstərdiyi, eyni zamanda sanitar-texniki və sanitar-gigiyenik tələblərin kobud şəkildə pozulduğu məlum olub.Belə ki, müəssisədə: texnoloji ardıcıllıq prinsipinə əməl edilmir,qida məhsullarının saxlanma şəraiti normalara uyğun deyil,unlu qənnadı məhsulları antisanitar şəraitdə emal olunur,mənşəyi məlum olmayan xammallardan istifadə edilir,qida ilə təmasda olan səthlər, işçi masalar və soyuducu rəflər korroziyaya uğrayıb.Həmçinin qutab hazırlanmasında istifadə olunan ət farşından götürülən nümunələrin laborator müayinəsi nəticəsində mikrobioloji uyğunsuzluq və at DNT-si müəyyən edilib.Faktla bağlı fiziki şəxs barəsində inzibati protokol tərtib olunub, nöqsanlar aradan qaldırılanadək obyektin fəaliyyəti və məhsulların satışı dayandırılıb.
Diqqət Çəkənlər
Xankəndi şəhərinə ilk köç karvanı yola salındı
Ağsuda zəlzələ olub
DİN gücləndirilmiş iş rejimində fəaliyyət göstərir
