“Atletiko”nun hücumçusu Xulian Alvares cari ildə klubunu tərk edə bilər.
Msport.az xəbər verir ki, argentinalı futbolçunun ətrafı ilə artıq “Barselona” əlaqə saxlayıb.
Kataloniyalıların rəhbərliyi 25 yaşlı forvardı klubun idman layihəsinin əsas hisslələdindən biri hesab edir. Bundan əlavə, Alvareslə PSJ və “Çelsi” də yaxından maraqlanır.
“Barselona” bu transfer məsələsində qətiyyətlidir və katalonlar top-oyunçu uğrunda mübarizədə qalib gələ biləcəklərini bütün dünyaya nümayiş etdirmək niyyətindədirlər. Bununla belə, yekun qərar futbolçunun öz seçimindən asılı olacaq.
