ain.az bildirir, Azpolitika.az saytına əsaslanaraq.
Rusiyanın kütləvi raket və PUA hücumları nəticəsində yüz minlərlə insan Ukrayna paytaxtını tərk edib.
“AzPolitika” xəbər verir ki, bunu Kiyev meri Vitali Kliçko Britaniyanın "The Times" qəzetinə verdiyi müsahibədə deyib.
Kliçko qeyd edib ki, təkcə bu ay – 2026-cı ilin yanvar ayında 3 milyondan çox əhalinin yaşadığı paytaxtı artıq 600.000 insan tərk edib. O deyib ki, infrastruktura endirilən zərbələr nəticəsində şəhərdə istilik, su və elektrik kimi əsas xidmətlərlə bağlı vəziyyəti kritikdir.
Kliçko yenidən paytaxt sakinlərinə mümkün olduqca şəhəri tərk etməyi tövsiyə edib, çünki ən azı iki həftə davam etməsi gözlənilən soyuq hava şəraitində temperatur -18°C-yə düşüb.
Lazımi temperaturu saxlaya bilmədiyi üçün şəhər rəhbərliyi suyun donub boruların partlamasının qarşısını almaq üçün mərkəzi istilik və su təchizatı sistemlərini boşaltmaq məcburiyyətində qalıb.
Kliçko bildirib ki, bəzi binalarda o qədər soyuqdur ki, sakinlər tualetdən istifadə edə bilmirlər, çünki su donub və pəncərələrdə kondensasiyadan buzlaqlar əmələ gəlib.
O əlavə edib ki, Vladimir Putin Kiyevi “humanitar fəlakətə” doğru aparır.
“AzPolitika.info”
Ən son xəbərləri və yenilikləri almaq üçün ain.az saytını izləyin.
