ABŞ Prezidenti Donald Tramp Davosda keçirilən Dünya İqtisadi Forumunda çıxışı zamanı Amerika iqtisadiyyatını planetin “əsas mühərriki” adlandıraraq, ölkəsinin çiçəklənməsinin bütün dünyaya fayda verdiyini bəyan edib.
Missiya.Az Qafqazinfo-ya istinadən xəbər verir ki, Tramp forumdakı xüsusi müraciətində ABŞ-nin son bir ildə əldə etdiyi iqtisadi uğurlardan bəhs edib.
“Amerika çiçəklənəndə dünya da çiçəklənir. İşlər pis gedəndə isə bu, hamımız üçün mənfi nəticələnir. Siz bizim ardımızca gələrək yuxarı qalxırsınız”, – deyə o bildirib.
Prezident həmçinin Avropanın iqtisadi kursunu tənqid edərək, qitənin durğunluqdan qurtulmaq üçün ABŞ modelindən dərs almalı olduğunu vurğulayıb.
Xatırladaq ki, 2026-cı il Davos Forumu yanvarın 23-dək davam edəcək.
