BAKI, 23 yanvar. TELEQRAF
Bu gün Azərbaycan Premyer Liqasında 2026-cı ilin ilk oyunları keçiriləcək.
Teleqraf xəbər verir ki, XVII turun ilk günündə iki qarşılaşma baş tutacaq.
Günün ilk matçında Quba Olimpiya İdman Kompleksində "İmişli" "Araz-Naxçıvan"ı qəbul edəcək. Hazırda "İmişli" 17 xalla turnir cədvəlinin 9-cu, "Araz-Naxçıvan" isə 26 xalla 6-cı pilləsində qərarlaşıb.
Günün növbəti görüşü "Palms Sports Arena"da “Neftçi" və "Zirə" komandaları arasında keçiriləcək. Hazırda Yuri Vernidubun komandası 20 xalla turnir cədvəlinin 8-ci, Rəşad Sadıqovun kollektivi isə 28 xalla 3-cü pilləsində qərarlaşıb.
Azərbaycan Premyer Liqası, XVII tur
23 yanvar (cümə)
14:30. “İmişli” – “Araz-Naxçıvan”
Hakimlər: İnqilab Məmmədov, Rahil Ramazanov, Tərlan Talıbzadə, Əli Əliyev
VAR: Elçin Məsiyev
AVAR: Namiq Hüseynov
Hakim-inspektor: Asim Xudiyev
AFFA nümayəndəsi: Asif Əliyev
Quba OİK stadionu
19:00. “Neftçi” – “Zirə”
Hakimlər: Fərid Hacıyev, Cəmil Quliyev, Asiman Əzizli, Kamran Əliyev
VAR: Rauf Cabarov
AVAR: Eyyub İbrahimov
Hakim-inspektor: Ömər Paşayev
AFFA nümayəndəsi: Emin Cəfərov
“Palms Sports Arena”
Qeyd edək ki, tura yanvarın 25-də yekun vurulacaq.
