Qlobal miqyasda smartfon istifadə nisbətləri ilə bağlı son məlumatlar göstərir ki, inkişaf etmiş ölkələrdə əhalinin əksəriyyəti rəqəmsal dünyaya inteqrasiya olunub. Məlumatlar bir daha əhali sıxlığının və texnoloji çıxışın smartfon sahibliyinə həlledici təsirini vurğulayır.
Hafta.az yazır ki, inkişaf etmiş ölkələrdə əhalinin təxminən dörddə üçü aktiv şəkildə smartfonlardan istifadə edir.
Dünyada ən çox telefon istifadəçisi olan ölkələrin siyahısı aşağıdakı kimidir:
1. Çində 1,8 milyard, 2. Hindistanda 1,1 milyard, 3. ABŞ-da 372,7 milyon, 4. İndoneziyada 316,6 milyon, 5. Rusiyada 245,3 milyon, 6. Nigeriyada 222,2 milyon, 7. Braziliyada 212,9 milyon, 8. Yaponiyada 207,6 milyon, 9. Pakistanda 192,8 milyon, 10. Banqladeşdə 180,2 milyon, 11. Filippində 166,5 milyon, 12. İranda 145,7 milyon, 13. Vyetnamda 137,4 milyon, 14. Meksikada 127,9 milyon, 15. Tailandda 126,4 milyon, 16. Almaniyada 104,4 milyon, 17. Misirdə 103,5 milyon, 18. Cənubi Afrikada 100,3 milyon, 19. Türkiyədə 90,3 milyon, 20. Böyük Britaniyada 81,6 milyon.
Qeyd edək ki, bu ölkələrin əksəriyyətinin məlumatları 2022-ci ilə aiddir.
