Omanın prinsesi və Sultan Qabus Universitetinin prorektoru, doktor Muna bin Fəhəd əl-Said Moskva Dövlət Universiteti (MDU) tərəfindən fəxri professor adına layiq görülüb. Diplomu MDU-nun rektoru Viktor Sadovniç təqdim edib.
Rektor qeyd edib ki, Muna bin Fəhəd əl-Said Rusiya-Oman münasibətlərinin inkişafına və MDU ilə səmərəli əməkdaşlığa verdiyi töhfələr nəzərə alınaraq bu ada layiq görülüb.
Prinsessanın tədqiqatları xüsusilə ekzoplanetlərin öyrənilməsinə yönəlib. O, keçən il kosmik müşahidə stansiyasının yaradılması məqsədilə Rusiya-Ərəb Universitet Konsorsiumunun təsisçilərindən biri olub. Həmin əməkdaşlıq sənədi sentyabr ayında imzalanıb.
Prinsessa diplomu alarkən bildirib:
"Rusiya və Oman arasında möhkəm əlaqələr mövcuddur; bunlar qarşılıqlı hörmət, anlaşma və müxtəlif sahələrdə əməkdaşlığı gücləndirmək istəyinə əsaslanır. Xüsusilə ali təhsil və elmi tədqiqat sahəsində bu əməkdaşlıq xalqları bilik mübadiləsi və mədəni açıq dialoq əsasında yaxınlaşdırır."
Qeyd edək ki, MDU daha əvvəl öz elmi-tədqiqat institutları vasitəsilə kosmosa ən böyük kubsat “Skorpion”u buraxıb. Missiyanın əsas məqsədləri Yer ətrafında radioaktiv vəziyyətin monitorinqi, astrofiziki hadisələrin öyrənilməsi və bioloji nümunələrlə aparılan təcrübələr olub.
