Turkstan.az saytından alınan məlumata görə, ain.az bildirir.
ABŞ prezidenti Donald Tramp bildirib ki, ABŞ hərbi qüvvələri İran istiqamətinə hərəkət edir, lakin ümid edir ki, onu istifadə etməyə ehtiyac qalmayacaq.
Bəs həqiqətən ABŞ İrana hücum edəcəkmi?
Politoloq Məhəmməd Əsədullazadə Musavat.com-a açıqlamasında deyib ki, ABŞ və İsrailin İrana qarşı hücumu an məsələsidir:
"Artıq ABŞ Yaxın Şərqə kifayət qədər hərbi əməliyyatlar üçün qüvvələrini yerləşdirib. İsrail də müdafiə və hücum əməliyyatlarını yüksək hazırlıq vəziyyətinə gətirib".
Politoloqun fikrincə, Əbu-Dabidə Rusiya -ABŞ və Ukrayna danışıqları nəticəsiz olacaqsa, ABŞ Irana qarşı hücumu reallaşa bilər:
"ABŞ-İsrailin 12 günlük müharibədən fərqli olaraq əsas hücumu İranın Ali dini rəhbəri və sistemin rəhbər şəxslərini aradan götürmək olacaq.
Əgər, İran danışıqlara açıq olduğunu elan etsə, təklifləri qəbul edərsə, hücum olmaya bilər. Demək olar ki, ABŞ İrana hərbi təzyiqləri artırır. Amma, İran rejimi öz mövqeyindən geri çəkilmir. Çin və Rusiyadan silahlar alır. Bir neçə aya kimi nüvə silahı əldə etmək potensialına malikdir. Xüsusilə nüvə silahını Rusiya İrana ötürə bilər.
İran elan edib ki, hücum regional müharibəyə səbəb olar. Həmçini İsrailə neft ötürən kəmərləri vura bilər. Qeyd edim ki, Bakı -Ceyhan neft kəməri İsrail -Azərbaycan arasında deyil, Türkiyə -Azərbaycan arasındadır. Ordan Ceyhan limanından istənilən ölkə nefti ala bilər. Azərbaycan İsrailə neft ixrac etmir".
Politoloq həmçinin qeyd edib ki, İran Türkiyə və Azərbaycana qarşı hansısa hərbi təxribatlara əl atarsa, İran rejimi devriləcək:
"Həmçinin Azərbaycan və Türkiyə Cənubi Azərbaycana ordu yeridə bilər.
Qeyd edim ki, İrana təhlükə İraq və körfəz ölkələrinin ərazisindəndir. Azərbaycan və Türkiyə daima İrana qarşı hərbi müdaxilənin əleyhinə olub".
Hadisənin gedişatını izləmək üçün ain.az saytında ən son yeniliklərə baxın.
