Mahir mühüm fürsəti əldən verdi - liderə qol vura bilərdi!

Mahir Emreli yeni ildə ilk rəsmi oyununu keçirmək üçün azı daha bir həftə gözləməyə məcburdu. Ona görə ki, futbolçu zədəsini hələ tam sağaltmayıb.

“Football-plus.az” xəbər verir ki, onun formasını geydiyi "Kayzerslautern" bu gün 2-ci bundesliqanın 19-cu turu çərçivəsində lideri – “Şalke-04”ü qəbul edir. Klubun sosial şəbəkə hesablarında yayınladığı matç üçün start heyətində Mahirin adı yoxdu.

Xatırladaq ki, “qırmızı iblislər” 33 xalla 5-ci sırada qərarlaşıb. Komandanın növbəti sınağı “Elvesberq”ə qarşıdı. Bu görüş yanvarın 31-də baş tutacaq. Mahirin ötən il noyabrın 10-da “Herta” ilə 2-ci bundesliqa matçında zədə alaraq uzun müddətə sıradan çıxdığını da yadınıza salaq.

KƏNAN BAHADIR

• Futbol
• Mahir Emreli
• Zədə
• Kayzerslautern
• Şalke-04