2025-ci ilin 11 ayında İsraildən Azərbaycana gələn turistlərin sayı 2 dəfə artıb. Hazırda həftədə 20 reys mövcuddur və bu sayın artırılması nəzərdə tutulur.
AZƏRTAC xəbər verir ki, bu fikirləri Azərbaycanın xarici işlər naziri Ceyhun Bayramov israilli həmkarı Gideon Saar ilə keçirilən brifinqdə söyləyib.
Nazir bildirib ki, görüşdə beynəlxalq və regional təhlükəsizlik məsələləri də müzakirə edilib. “Yaxın Şərqdə və Qəzzada atəşkəsə dair fikir mübadiləsi apardıq. Biz sülhün bərqərar olunmasının və məsələlərin danışıqlar yolu ilə həll edilməsinin tərəfdarıyıq” deyə C.Bayramov qeyd edib.
