Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Göygöl, Lerik və İsmayıllı rayonlarının inzibati ərazisində qanunsuz yolla ağac kömürü istehsal edilən kömür quyuları aşkar olunub.
Araşdırma zamanı qanunsuz kömür istehsalı ilə məşğul olan şəxslərin Göygöl rayonu Əzgilli kənd sakinləri Şahbaz Əliyev, Azər Məmmədov, Avtandil Verdiyev, Lerik rayonu Dəvrədibi kənd sakini Mübariz Rzayev və İsmayıllı rayonu Qaraqaya kənd sakini Şahin Səfərov olduğu müəyyən edilib.
Faktlarla bağlı, adıçəkilən şəxslər barəsində akt və protokol tərtib edilərək qanunamüvafiq tədbir görülüb, kömür quyuları isə ləğv edilib.
