İran Xarici İşlər Nazirliyinin sözçüsü İsmayıl Bekayi ABŞ-ın ölkəyə hərbi hücum hazırladığı iddialarına cavab olaraq ABŞ-ın hər hansı bir hücumuna "hərtərəfli" cavab veriləcəyini bildirib.
Turkustan.az xəbər verir ki, Tasnim Xəbər Agentliyinin məlumatına görə, Bekayi həftəlik mətbuat konfransında cari məsələlərlə bağlı açıqlamalar verib.
ABŞ-ın İrana hücum etməyə hazırlaşdığı iddiaları ilə bağlı suala cavab olaraq, Bekayi deyib: "İran həm öz imkanlarına, həm də iyun müharibəsi də daxil olmaqla keçmiş təcrübələrinə əmindir. Biz daha güclü mövqedəyik. İran istənilən hücuma daha əhatəli və təəssüf doğuran əks-tədbirlə cavab verəcək".
Aytən Yaşar/ Turkustan.az
