Yol-nəqliyyat hadisəsi baş verir, sənədlər toplanır, qiymətləndirmə aparılır, amma sığorta ödənişi vaxtında edilmir.
Sığorta pulu bəzən həftələrlə, bəzən də aylarla gecikir.
Ekspertlər deyirlər ki, gecikməyə görə sığorta şirkətləri sürücülərə dəbbə pulu da ödəməlidirlər, ancaq vətəndaşların çoxu bunu bilmir. Sığorta məsələləri üzrə ekspert Vüsal Bədəlov bildirir ki, qanunvericilikdə gecikməyə görə cərimə mexanizmi açıq şəkildə göstərilib. Sadəcə bunu tələb edən sürücü yoxdur.
