Venesuela neft tədarükünün kəsilməsindən sonra Kuba çökməyə çox yaxındır.
KONKRET.az xəbər verir ki, bunu ABŞ prezidenti Donald Tramp Ayova ştatına səfəri zamanı bildirib.
Tramp bildirib ki , “Kuba hazırda dağılmaq üzrə olan bir ölkədir. Onlar Venesueladan pul və neft alırdılar. Artıq bunu əldə etmirlər”.
Yanvarın 24-də “Politico” qəzeti Tramp administrasiyasının ölkədə hökumət dəyişikliyinə məcbur etmək məqsədilə Kubanın neft tədarükünü dayandırmaq üçün dəniz blokadası ehtimalını müzakirə etdiyini bildirib. Qəzetin mənbələrinə görə, dövlət katibi Marko Rubio neft blokadası ideyasını dəstəkləyir, lakin bu məsələ ilə bağlı hələlik yekun qərar verilməyib.
(unikal)
